Nanawagan sa matuod nga kabag-uhan ang grupong League of Filipino Students (LFS) National Capital Region.
Sa interbyu sa Bombo Radyo, miingon si Kyla Sofia Benedicto, spokesperson sa LFS-NCR nga napamatud-an na sa daghang higayon nga ang paghiusa sa tingog sa mga batan-on nakapalagpot sa usa ka diktador.
Busa aron mas mahimong lanog ang ilang panawagan sa kabag-uhan, ilang gi-awhag ang mga batan-on nga aktibong musuporta sa ilang kawsa ug mulambigit sa ilang panagtipok aron ipadayag sa gobyerno nga kasuko ug kasakit sa huyang nga sektor nga maoy apektado sa krisis nga gi-atubang sa Pilipinas, sa pagkakaron.
