Gikumpirma ni National Bureau of Investigtions (NBI) Director Atty. Melvin Matibag nga nagpagawas na og warrant of arrest ang Regional Trial Court (RTC) sa Makati batok kang Batangas 1st Distict Representative Leandro Leviste.
Ang maong kaso kay adunay kalabutan sa giingong paglapas niini sa Public Service Act ug bailable matud pa kini sa kantidad nga P72,000.
Matud ni Matibag, nadawat na sa NBI ng kopya sa warrant ug basi sa ilang impormasyon, anaa matud pa sa France ug Germany si Leviste.
Gipasiugda ni Matibag nga matud pa gamay ra ang P72,000 nga piyansa alang sa usa ka tawo nga dunay dakong pinansyal nga kapasidad, samtang miingon usab kini nga makig-alayon ang NBI ngadto sa ubang mga ahensya ug gitan-aw na ang possibilidad sa kanselasyon sa passport ni Leviste. (raniel mahunyag)
