Suportado ni Cagayan de Oro 2nd District Representative Rufus Rodriguez ang mando ni Pres Ferdinand Marcos, Jr nga ipa-lifestyle check ang tanang opisyales sa gobyerno, ilabina sa Department of Public Works and Highways (DPWH) nga kasamtangan nga giimbestigaran tungod sa mga giingong substandard ug ghost flood control projects sa nasud.
Gibutyag ni Rodriguez kini nga lakang sa presidente usa ka importante nga paagi aron matuki ug ma-imbestigaran ang mga opisyal sa gobyerno nga adunay kadudahang pamatasan sa ilang lifestyle.
Gusto ni Rodriguez nga mismo ang katawhan magmabinantayon sa kalit nga pagkadato sa mga opisyales sa mga gobyerno sugod sa mga opisyal sa Barangay hangtud sa mga dakung departamento sa nasud.
Si Rodriguez miingon nga ang kamanduan misubay 1987 Constitution of the Philippines sa Article XI: Accountability of Public Officers diin tataw nga gimando sa Konstitusyon nga ang “public office is a public trust.”
