CAGAYAN DE ORO CITY-Lima ang patay samtang laing lima ang positibo sa 139 suspected patient nga nag-igo sa tipdas sa Cagayan de Oro City sugod sa bulan sa Enero hangtud Pebrero 24 ning tuiga.
Sa tolomanong Good Morning Philippines, gibutyag ni Nice Bingona, Midwife Supervisor IV sa City Health Office nga nagminus ang ihap sa mga bata nga na-hospitalized gumikan sa maong sakit sa ikaduhang semana sa Pebrero, itande sa gidaghanon sa mga na confined sa hospital sa bulan sa Enero ug unang semana sa Pebrero ning tuig.
Samtang gipasalamatan ni Bingona ang mga inahan nga nahimong responsive sa ilang panawagan nga pabakunahan ang ilang mga anak.
