CAGAYAN DE ORO CITY – Mitahan ang laing mga sakop sa rebeldeng NPA sa Army’s 51st Infantry Battalion ug 5th Infantry Battalion sa Iligan City, Lanao del Norte.
Dala sa mga surrenderee sa ilang pagtahan ang usa ka M1 garrand rifle, usa ka shotgun, usa ka .22 rifle, granada, magazine ug mga bala.
Gibutyag sa usa sa mga mitahan nga gikapoy na sila sa walay kalambuan nga pakigbisog sa ilang prinsipyo sa kabukiran.
Asoy niini nga pulos gubot ug walay maayong resulta nga naangkon ug ang mga sibilyan ang nala-ot.
Nahukman sa mga rebelde nga motahan aron makapamuyo nga normal ug malipayon kauban ang ilang pamilya.
Una nang gibutyag ni 2nd Mechanized Brigade Commander Brig. Gen. Ezra James Enriquez nga daghan pa mga rebeldeng NPA ang naglaraw nga mobalik sa sabakan sa gobyerno.
