Ang senado lamang ang adunay gahum sa pagtakda sa denominator sa voting threshold, isip nag-inusarang korte nga naghawid sa impeachment case ni Vice President Sara Duterte. Kini ang gipalanog ni House Prosecution Panel Lead counsel Representative Gerville “Jinky Bitrics” Luistro.
Namugos si Luistro nga adunay duha ka epekto ang pagpaubos sa ihap sa voting threshold, diin kung mu-ubos ang ihap sa conviction, makonhuran usab ang ihap sa pag-acquit kaniya.
Kini ang tipik lamang sa reaksiyon sa prosekusyon human gipangayuan sa korte ang depensa ug prosekusyon sa ilang posisyon sa pagbag-o sa 2/3 voting threshold.
