CAGAYAN DE ORO CITY-Mihimo’g ritwal sama sa padugo sa manok ang mga lumad nga tipik sa mibakwit sa Sitio Minkamansi, Brgy. Banglay Lagonglong Misamis Oriental diha sa kapitolyo probinsyal kagabii.
Gibutyag ni Datu Reynaldo Ayuma usa ka “good will” nga ritwal ang ilang gihimo aron luwas na nga makabalik ang 37 ka pamilya nga naipit sa engkwentro sa militar ug sa NPA sa maong lungsod sa miaging bulan.
Sa wala pa nahitabo ang ritwal, gipakita ni Ayuma ang pirmadong kasabutan gikan sa buhatan sa gobernador,militar ug mga hingtungdang ahensya.
Partikular nga gihangyo ni Ayuma ang sakop sa militar nga dili na musulod pa sa ilang komonidad, inay mga rebeldeng NPA.
Hisayrang pipila sa maong mga lumad ang nagsakit tungod tun-og ug polusyon sa lokasyon diin sila nakapahimutang sa kapi’g duha ka semana.
