CAGAYAN DE ORO CITY, Philippines – Wala na makaselebrar sa adlaw nga natawhan ang 11 anyos nga batang babaye human namatay sa sunog, kuyog sa iyang 49 anyos nga inahan sa Agreda Funeral homes, South Poblacion, Maramag, Bukidnon, kagahapon.
Naila ang mga biktima nga sila Sharrie Andos Pareñas, inahan, ug ang iyang anak nga si Jayra Faith Andos Pareñas.
Gibutyag ni Maramag BFP Fire Investigator SFO2 Rommel Macasabog nga nakagawas na unta ang inahan sa balay, apan sa dihang iyang nadiskobrehan nga tulog pa ang iyang anak, iya kining gibalikan nga nag resulta sa ilang pagka paig-patay.
Subay sa inisyal nga imbestigasyon, ang nagsila nga kuryente ang gituhan nga hinungdan sa sunog. Midamyos ang insidente sa dul-an P800,000, ug misaka pa sa ikaduhang alarma ang sunog.
Video report coutesy to FB User Lonmar Chopan
