Gimando sa Sandiganbayan 7th Division ang pag-archive sa kasong graft batok kang kanhi Kongresista Zaldy Co tungod kay milabay na ang unom ka bulan sukad gi-isyu ang iyang warrant of arrest apan nagpabilin gihapon kining gawasnon.
Segun sa prosekusyon, wala na silay laing ikahatag nga address sa kanhi opisyal gawas sa unsay anaa sa ilang opisyal nga rekord.
Nasayran nga nakuptan si Co didto sa Czech Republic niadtong niaging Abril tungod sa pagsupak sa balaod sa imigrasyon, apan nakalingkawas sa kustodiya sa mga otoridad.
Ang kaso ni Co, nagsumikad sa mga pasangil nga “substandard” o dautan ang pagkabuhat sa usa ka flood control project sa Naujan, Oriental Mindoro.
Bisan pa niini, hugot nga gihimakak ni Co ang mga akusasyon ug miinsistir nga wala gyuy bisan usa ka dako sa pondo sa maong proyekto ang napunta kaniya, apan gitataw sa korte nga andam nilang banhawon ang kaso sa higayon nga madakpan na ang kanhi kongresista.
