Pormal nang napasaka sa Office of the Ombudsman ang mga kaso batok kang Senador Rodante Marcoleta sa Sandiganbayan.
Ang plunder case ni Marcoleta napadulong sa 3rd Division.
Samtang ang mga kaso sa paglapas sa Presidential Decree No. 46 (pagdawat ug regalo) gi-assign sa 1st, 4th, ug 6th Division.
Mahinumduman nga ang plunder case sa senador naglakip sa ₱75 milyon nga undeclared campaign donations gikan sa tulo ka donors nga giingong wala niya ideklarar sa iyang Statement of Contributions and Expenditures (SOCE) ug Statement of Liabilities and Networth (SALN).
Unang gibutyag sa korte nga non-bailable offense ang plunder ug mahimong mosangpot sa hangtod 40 ka tuig ang pagkabilanggo, apan gihimakak ni Marcoleta ang mga akusasyon ug giingon nga kini usa ka paningkamot sa pagpahilum sa iyang tingog.
