Nabati na sa pipila ka mag-uuma sa dakbayan ang grabeng kainit nga dala sa super El Niño, kon diin pangunang naapektuhan ang mais ug uban pang tanom.
Sumala ni CDRRMD Head Nick Jabagat base sa datos sa Agricultural Productivity Office, bisan gamay pa ang maong gidaghanon, nagpadayon ang kagamhanan sa paghatag og paspas nga tabang sa kaumahan.
Lakip sa mga gipanghatag nga suporta mao ang mga ekipo sama sa bomba sa tubig, tubo, ug tangke alang sa pagpalambo sa mga tuburan, pati na ang pag-apud-apod og abono alang sa yuta.
Tungod niini, naglaum ang lokal nga pamunoan nga makatabang ang maong mga gamit aron mapanalipdan ang abot ug panginabuhian sa mga mag-uuma.
