Mihulagway si Presidente Ferdinand Marcos Jr. sa iyang lawom nga pagbati batok sa nagsaka nga kasuko sa katawhan tungod sa kalihukan sa pulitika ug sa hinay nga kalambuan sa ekonomiya ubos sa iyang administrasyon.
Sa pakighinabi kang Anthony Taberna sa iyang YouTube channel, si Marcos Jr. mismo miangkon nga dili na siya gusto’g mga kaaway ug mas gipili ang pakig-uli, ilabi na sa pamilya Duterte.
Siya naglaum nga mabalik ang kusog sa UNITY TEAM, sama niadtong bag-o pa ang iyang kadaugan isip presidente, kuyog ni Vice President Sara Duterte.
Apan, ang ilang maayong relasyon nabuak human nakapagawas sa dili maayong pamahayag si First Lady Liza Marcos batok sa Bise Presidente, nga mas nagpalalom sa ilang kalainan.
Misamot pa ka aslom ang bangi sa Marcos ug Duterte Family, dihang mi-resbak si kanhi Presidente Rodrigo Duterte, ug gitawag si Marcos nga “Bangag” kay adunay kasaysayan sa pagkasapon kaniya nga migamit sa ginadili nga druga kuyog ang iladong drama actress sa Philippine Movie Industry.
Kagahapon, mitug-an si Marcos kang Taberna nga dili siya gusto nga magpadayon ang mga panagbangi, ug mas gusto niyang makig-uli.
Kahinumduman, nga ning adlawa, takdo usa ka tuig ang milabay, nagpa-interview si Liza kang Taberna ug miingon nga “na badshot” kini kang VP Sara.
