Mangita’g luwas nga pamaagi si Presidente Ferdinand Marcos Jr., alang sa luwas nga repatriation sa mga Overseas Filipino Workers (OWFs) nga posibleng maipit sa pagsamot sa tensyo sa Middle East.
Sa press briefing nga gipatawag sa Malacañan, gipasabot ni Presidente Marcos nga nagkigkoordinar na ang gobyerno sa mga hingtundang ahensya alang sa pagpabalik sa mga pinoy nga nanarbaho sa Israel, United Arab Emirates, Qatar, Lebanon, Kuwait, Lebanon, Iran, Saudi Arabia ug uban pang lugar nga apektado sa pagpanimalos sa Iran.
Si Marcos mitin-aw nga ang koordinasyon sa Department of Foreign Affairs (DFA) ug sa Overseas Workers Welfare Administration (OWWA) nagtumong nga masiguro nga dali ug hapsay ang proseso sa pagpauli sa mga pinoy workers.
Lakip sa laraw ang paghatag og libreng sakay, temporaryong pinuy-anan, ug suporta sa panginabuhi samtang naghulat sila sa mas lig-on nga oportunidad sa Pilipinas.
