Gibutyag ni Davao City Mayor Sebastian “Baste” Duterte nga iyang gituohang nakasunod sa mga gikinahanglang kondisyon sa Davao City ang Gencorp Industries Incorporated.
Kini ang iyang tubag sa pangutana ni House private prosecutor Theodore “Ted” Te kung personal ba niyang nasuta nga nakompleto sa kompanya ang tanang kinahanglanon, lakip ang minimum nga lima ka tuig nga operasyon.
Matod ni Duterte, wala niya mismo napamatud-i ang maong detalye apan mahimong susihon ang mga rekord sa Davao City.
Pinaagi niini, matino kung nakasunod ba ang Gencorp sa mga kondisyon nga gikinahanglan sa lungsod alang sa kompanya.
Ang maong pangutana kabahin sa pag-utingkay sa mga transaksiyon sa Gencorp ug sa Davao City government atol sa impeachment trial ni Vice President Sara Duterte.
