Viral na ang video kundiin, nangunay sa pag-aparta sa mga naglasong nga mga batan-ong raliyesta si Saint-Denis’s mayor Bally Bagayoko. Sa video, makita ang iyang paningkamot nga mapahupay ang mga nagriot nga mga demonstrador.
Human siya nasiplatan sa mga otoridad, gilayong gimando ni French Interior Minister Laurent Nunez ang pagsuspenso sa paggamit sa stun grenades sa mga protesta sa estudyante human masamdan ang 15-anyos nga tinun-an sa lungsod sa Lens tungod sa granada nga mibuto.
Naigo usab sa teargas si Mayor Bagayoko samtang naglakaw uban sa mga estudyante sa Paris.
Sumala sa datos sa Ministry of Interior, kapin sa 6,100 ka tawo ang naaresto sukad nagsugod ang protesta, diin kadaghanan kanila mga menor de edad.
Una nang mipasabot si French Prime Minister Sebastien Lecornu nga magpagawas siya sa mga konkretong plano sa katapusan sa Oktubre aron tubagon ang reklamo sa mga estudyante sa kulang nga pondo ug mga maestro.
Ang protests naglakip sa kapin 500 ka eskuylahan nga napugos nga magsira tungod sa padayon nga demonstrasyon sa tibuok nasud.-
