Gipasigarbo, giyukbuan ug gipasalamatan ni Mayor Rolando Klarex Uy ang tanan naglangkob sa City Disaster Risk Reduction and Management Department (CDRRMD) ubos sa liderato ni Nick Jabagat tungod sa aktibo, abtik ug makanunayong pag-monitor sa panahon nga nagsilbing basihan sa mayor kung angayan bang masuspenso ang klase ug trabaho sa dakbayan human milabay ang duha ka managsunod nga bagyong Tino ug Super Typhoon Uwan.
Gibutyag ni Mayor Klarex nga wala na siya magpatintal sa pagsuspenso sa klase sa miaging Lunes tungod kay nahibalo siya nga maayo na ang panahon.
Labaw sa tanan, nakita niya nga nangandam usab ang lokal nga panggamhanan sa ilang presentasyon sa kalingawan ug pakigduyog sa pagpakayab sa nasudnong bandila matag Lunes.
Gipasidungogan usab niya ang dedikasyon sa CDRRMD nga nagtabang aron masiguro ang kaluwasan sa mga residente.
Contributor: James Oliver
