Kasamtangang gipatuman sa Metro Pacific Water-Cagayan de Oro Bulk Water Incorporated ang pag-ayo sa pasilidad nga agi-an sa tubig gikan sa ilang supplier padulong sa mga linya sa Cagayan de Oro Water District.
Gibutyag ni Atty Roberto Rodrigo, Senior Legal Counsel sa MetroPac-COBI nga molungtad sa tulo ka bulan ang ilang proseso sa  rehabilitasyon sa Taguanao Water Treatment Plant kuyog ang pag-ayo ug pagpabalik sa Rapid Sand Filter units aron masiguro ang kalidad ug suplay sa tubig sa dakbayan.
Miingon si Rodrigo nga aron dili maglisud ang mga tagbalay sa pagpangitag tubig, bahinon sa upat ka higayon ang pagtrabaho sa rehab.
Kini nagpasabot nga kada hugna sa pag-ayo, mulungtad sa 4 ka adlaw nga adunay water interruption.
Sunod niini, adunay 10–14 ka adlaw nga interval nga normal ang suplay sa tubig samtang wala’y trabaho.
Molungtad ang maong pag-ayo hangtud Biyernes diin makasinati sa “low to no pressure” sa tubig ang abisohan nga mga apektadong barangay.
Muhatag ra sa abiso ang COBI kung kanus-a magresume ang second phase sa ilang rehad and repair operation.
Kabahin sa mga apekado ang kabarangayan sa Iponan, Patag, Bulua, Canitoan, Camamanan, Lapasan, Gusa, Macasandig, Bayabas, Kauswagan, Pagatpat ug Brgy Barra nga sakop sa Opol, Misamis Oriental.
