CAGAYAN DE ORO CITY – Walay na-monitor ang militar nga mga pulitiko nga nagbayad sa campaign fee ug extortion money sa mga sakop sa rebeldeng NPA.
Kini bisan nga giangkon sa NPA nga obligahon nila’g paningil ang mga kandidato pagbayad sa maong obligasyon alayon sa 2019 midterm elections dinhi sa rehiyon.
Nagtoo si 403rd Brigadier commander Col Edgardo de Leon nga nasayod na ang mga pulitiko sa atubangon nga silot kon magbayad sa permit-to-campaign ug permit-to-win alang sa nagkadool nga 2019 midterm elections.
Giawhag ni De Leon ang mga kandidato nga sundon ang gilagdaan nga peace covenant alang sa malinawon nga piliay.
Hisayran nga padayon nga gibantayan sa Philippine National Police ang kalihukan sa mga rebeldeng New Peoples Army (NPA) ilabina ang mga kandidato nga mokuha sa permit-to-campaign ug permit-to-win.
403rd Brigadier commander Col Edgardo de Leon
