Mukabat nalang sa 26 ka armadong pundok ang gilakag sa 4th Infantry Division nga sakop sa ilang hurisdiksyon.
Kini ang gibutyag ni outgoing 4ID Commander Major General Michelle Anayron sa pakighinabi sa Bombo Radyo. Miingon si Anayron nga sa 95 ka armed groups sa CARAGA, anaa nalang sa walo ang ilang gilakag.
Samtang sa North Central Mindanao Regional Committe nga gilangkoban sa Misamis Oriental, Bukidnon, ug porsyon sa Agusan del Sur ug Agusan del Norte, gikan sa 97 ka armed groups, anaa nalang sa 18 ang nahibilin.
Gawas niini, padayong gipangita sa kasundaluan ang 11 ka mga high valued individual (HVI) nga padayon nilang gidasig nga mukanaug na sa bukid aron mupuyo sa desente nga kinabuhi ug dawaton ang tanyag sa gobyerno ubos sa programang NTF-ELCAC o ang National Task Force to End Local Communist Armed Conflict, alang sa mga rebel returnees ug surrenderees.
