CAGAYAN DE ORO CITY – Gipatuman ang pugsanong pagpabakwit sa mga residente nga apektado sa pagbaha gumikan sa pagsaka sa tubig dala sa kusog nga pag-ulan nga epekto sa bagyong Obet ning syudad kagabii.
Kini gilakipan sa mga residente nga gikan sa mga brgy sa F.S Catanico;Tablon,Cugman ug Gusa ning dakbayan.
Miingon si Cugman Punong Brgy Wendelyn Escobia nga kabahin sa nagsaka ang tubig-baha sa mismong Bigaan River hinungdang wala na makatabok ang mga sakyanan gikan sa sentro sa dakbayan ug ang gikan sa este nga bahin sa Misamis Oriental.
Sutaon pa ning adlawa kon may mga residente nga samaron o missing sa maong kalamidad.
Samtang gipabakwit usab ni Gusa Punong Brgy Marlo Tabac ang iyang mga residente sa pipila ka bahin sa ilang brgy nga nasudlan sa tubig-baha kagabii.
Kini ang hinungdang nga gipahimutan ang mga pugsanong napabakwit nga mga residente sa covered court sa maong brgy.
Miingon si Tabac nga hinoon walay na-report nga dunay ilang mga residente nga missing o samaron atol sa pagbaha kagabii.
Hisayrang tungod sa localized thunderstorm nga miigo sa rehiyon sukad sa miaging semana,sunod-sunod nga gibahaan ang pipila ka brgy sa segundo distrito ning dakbayan.
