CAGAYAN DE ORO CITY – Wala supaka sa grupo sa mga negosyante ang ipatuman nga dugang suhulan sa minimum wage earners nga mando sa RTWPB 10 epektibo sa Enero sunod tuig.
Miingon si MSME Cagayan de Oro-Misamis Oriental Devt Council chairman Ray Talimio Jr nga nasabtan nila ang panginahanglan sa mga empleyado ning panahona.
Siya miingon nga angay usab nga mahatagan sa igong proteksyon ang mga empleyado bisan sa ginagmay nga usbaw aron mapuno sa ilang kinitaan batok sa nagmahal nga mga palaliton.
Hisayrang anaa sa 23 pesos ang dugang alang sa non-agriculture sector samtang 35 pesos ug ang agriculture sector nga pulos mo-epekto sa Enero 12,2025.
