(Update) CAGAYAN DE ORO CITY- Giangkon sa imbestigador sa Tagoloan Police Station nga ang ilang operatiba maoy nakapusil-patay sa usa ka suspected drug pusher diha sa Zone 1,Brgy Casinglot, Tagoloan Misamis Oriental kaganihang kadlawon.
Matud ni SPO4 Ritchie Raiz,investigator sa Tagoloan Police Station nga misukol ang suspek nga si Adrian Abing,hingkod ang panuigon nga nagpuyo sa Brgy Sihayon sa maong lungsod hinungdan nga napusilan-patay gamit ang 9mm pistol.
Nakaangkon sa duha ka samad-pinusilan sa dughan ang biktima nga maoy hinungdan sa iyang kamatayon.
Mismo ang operatiba maoy gibaligyaan ni Abing hinungdan nga nasapon kini sa akto sa mga pulis.
Narekober sa iyang posisyon ang .38 kalibre nga armas nga maoy giggamit sa pagsukol sa mga pulis.
