CAGAYAN DE ORO CITY – Kabahin ang pambato gikan sa Misamis Oriental nga si 21-year old Chella Grace Falconer nga magsilbing ‘dark horse’ beauties nga mohataw sa final big night sa Ms Universe Philippines nga himoon sa Panglao,Bohol unyang gabii.
Kini gawas sa kanila ni Mirjan Hipolito sa Angeles City ug Michele Angela Okol sa Siargao Island tungod sa ilang tagsa-tagsa ka bitbit nga kaanyag abilidad sa maong kompetisyon.
Sila gitawag nga dark horse beauties kay sagad dili matagad sa fans apan mas nabantayan sa veteran pageant observers nga mohimo’g mga sorpresa sa indigay.
Hinoon,gipasabot nga lain-lain ang mga prediksyon sa beauty pageant observers apan naka-depende pa gyud gihapon ang kapalaran sa mga kandidata sa mga hurado niini.
Una nang may dakong tsansa usab nga masulod sa top 5 sila si pageant veteran Katrina Jayne Dimaranan sa Taguig City;Steffi Rose Aberasturi sa Cebu Province ug dili usab magpaulahi ang sikat nga si Maureen Christa Wroblewitz sa Pangasinan ingon man si Kim Victoria Vincent sa Cavite.
Anaa usab ang dakong tsansa alang kanila ni Bea Gomez sa Cebu City; Leren Bautista sa Laguna;Kirsten Delavin sa Masbate,Isabella Umali sa Metro Manila ug Janela Joy Cuaton gikan sa Albay.
Si Falconer ang kanhi Ms Kuyamis queen sa Misamis Oriental nga turismong programa ni Gov Bambi Emano ug nahimo usab kining 1st runner up sa Ms Bikini Open ayha opisyal nga miapil sa Ms Universe Philippines 2021.
Kon kinsa man ang ilhong big winner sa 28 ka kandidata unyang gabii,maoy mo-representar sa Pilipinas sa Ms Universe 2021 sa Israel sa Disyembre ning tuiga.
