CAGAYAN DE ORO CITY – Gitratar sa Western Mindanao Command nga mga biktima ang tanan sakop sa rebeldeng New Peoples Army (NPA) tungod kay nahaylo sila sa sayop nga idolohiya sa nagpadagan sa Communist Party of the Philippines.
Kini ang gibutyag ni WestMinCom spokesperson Lt Col Jerry Besana sa pakighinabi sa Bombo Radyo. Miingon si Besana nga bukas ang mga kasundaluan alang sa localized peace talks.
Alang kaniya dakung hagit ang localized peace talks sa mga LGUs nga maoy mangunay aron makutay ang linya sa mga rebelde nga gusto makignegosyar sa gobyerno.
Sa pagkakaron, gibugtyag ni Besana nga nagkanipis na ang ihap sa mga tawong nagpaluyo sa rebolusyonaryong kalihukan sa WestMinCom.
