CAGAYAN DE ORO CITY – Kasuhan sa kapolisan ang dinakpan sa pagsupak sa Dangerous Drugs Act of 2002 sa piskalya sa Bukidnon.
Kini human naaresto ang naka-plea bargaining agreeement nga suspek pinaagi sa buy bust operation sa Mabuhay Village,Brgy Pobloacion,Pangantuncan.
Gitumbok sa mga otoridad nga nabawian sa 26 gramos nga gitoohang shabu balor 176-mil pesos si alyas Double Barrel,32 anyos nga taga-Brgy Pamotolon,Kalilangan,Bukidnnon atol sa maong operasyon.
Nahuptan usab sa mga otoridad ang impormasyon nga giingong naggikan sa Lanao del Sur ang suplay sa shabu nga gibaligya sa suspek sa iyang mga parokyano sa pipila ka lungsod sa Bukidnon.
Dugtong niini,gidayeg ni Police Regional Office 10 Director Brig Gen Ricardo Layug Jr ang lower units nga walay hunong pagpaningkamot sa anti-illegal drug operations palibot sa rehiyon.
