Nangayog katin-awan si Senator-judge Risa Hontiveros ang abogado sa Securities and Exchange Commission (SEC) nga si Gerardo Del Rosario, kinsa, testigo gikan sa prosekusyon, kung unsay buhaton sa ahensya kung adunay public official nga nagdeklarar sa Statement of Assets Liabilities and Networth o SALN sa interes sa usa ka kompanya apan wala makita ang iyang ngalan isip stockholder sa General Information Sheet (GIS).
Gitin-aw ni Del Rosario nga wala’y access ang SEC sa SALN ug nagbase lamang sila sa corporate records nga gisumiter sa ahensya.
Gibutyag usab sa testigo nga kung adunay discrepancy sama niini, ang imbestigasyon mahimo nga buhaton sa laing ahensya sama sa Office of the Ombudsman.
Gipasabut usab sa opisyal nga gigamit sa SEC ang Beneficial Ownership Declaration aron matino ang tinuod nga tag-iya o adunay kontrol sa usa ka kompanya.
Ang GIS (General Information Sheet) usa ka mandatory annual report nga isumiter sa SEC nga naglangkob sa listahan sa mga stockholders ug ilang porsyento sa shares, mga opisyal sa kompanya sama sa presidente, treasurer ug corporate secretary, address ug contact details, ug kapital ug ownership structure.
Kini mao ang opisyal nga corporate record nga gigamit sa SEC aron masuta kinsa gyud ang mga tag-iya ug opisyal sa usa ka korporasyon.
Ang discrepancy tali sa gi-deklarar sa SALN ug sa corporate records sa GIS mao ang sentro sa imbestigasyon sa impeachment trial batok kang VP Sara Duterte, nga giingon nga giapil ang GenCorp Industries Inc. sa iyang 2024 ug 2025 SALN bisan wala makita ang iyang ngalan sa SEC records.
