Giduso ni Senador Erwin Tulfo ang pagdeklara sa unang Lunes sa Agosto sa matag tuig isip National Line Workers Appreciation Day.
Matud ni Tulfo, tinguha sa sugyot nga mahatagan sa angay nga pag-ila ang liboang line worker nga lakip sa mga trabahante nga ubos sa hazardous work.
Unang gipamugos sa senador nga panahon na aron matagad ang ilang dili tiaw nga klase sa sakripisyo sa pagpanarbaho.
Hisayran nga kini nga aktibidad panguluhan sa National Electrification Administration (NEA), Department of Energy ug uban pang stakeholders sa power industry.
