CAGAYAN DE ORO CITY – Dili klaro ang mando-ehekutibo ni Pres Bongbong Marcos nga i-apil na sa pagkanta ang Bagong Pilipinas Hymn sa matag-lusad sa Monday flag raising ceremony sa mga buhatan sa gobierno palibot sa nasud.
Kini human sugua ni Marcos si Executive Secretary Lucas Bersamin nga ilugwa ang kamanduan aron pagsanong sa mga opisina sa kagamhanan.
Namahayag si Xavier University Law School Professor Atty Oscar Moreno nga nasabtan niya ang tumong sa presidente nga aron mahimong mas mahigugma ang katawhan sa nasud.
Apan siya miingon nga kon gusto ni Marcos nga sundon sa tanan ang iyang kamanduan, angay usbon ang mga probisyon sa national flag law sa nasud.
Hisayrang subay sa gahom sa presidente,mosakop lang ang maong kanta sa mga buhatan nga anaa ang direktang superbisyon sa sa Malakanyang.
