CAGAYAN DE ORO CITY – Misamot pagdaghan ang nakolekta nga mga impormasyon sa National Bureau of Investigation o NBI-10 kabahin sa ilang pag-imbestigar sa pagpusil sa dakong opisyal sa Bureau of Customs sulod sa pinuy-anan niini sa Brgy Bugo ning syudad sa miaging Pebrero ning tuiga.
Kini human tahasi si NBI 10 regional director Atty Patricio Bernales ni Justice Sec Menardo Guevarra nga mohimo’g kaugalingong pag-imbestigar gawas sa PNP kabahin sa nahitaho ni Customs Deputy Collector Arthur Sevilla Jr.
Miingon si Bernales nga kamulo pa ang ilang pag-imbestigar aron maselyuhan ang kaso nga ipasaka batok sa utok ug mga gisugo nga pagsulay’g patay sa Customs official dinhi sa syudad.
Una usab niini,bisan ang Police Regional Office 10 ang nakatutok ug nag-imbestigar gihapon sa nahitaho kang Sevilla.
