Gideklarar ni New York City Mayor Zohran Mamdani ang state of emergency ug citywide shutdown alang sa tanan dili hinanali nga mga biyahe sa ilang syudad.
Nunot kini sa nasinati-ang record-breaking nga pagbubo sa niyebe o snow.
Lakip sa suspendido ang tanan trabaho, klase sa mga tunghaan ug gipahimangnuan ang mga motorista nga dili mogamit sa kalsada gawas lang kung adunay emerhensya.
Ang mayor nagpasalig nga ang mga snow plows ug emergency crews gibutang sa kritikal nga mga lugar aron masiguro ang kaluwasan sa ilang mga residente.
Si Mayor Mamdani miingon nga dakong hulga ang kasamtangang winter storm nga miigo sa New York ug kinahanglan ang pagkahiusa ug disiplina sa katawhan.
Gawas sa mayor sa New York, nagpagula na usab sa abiso ang mga mayores ug gobernador sa New Jersey, Delaware, Pennsylvania, ug Connecticut nga lakip gibubuan sa niyebe.
Una niini, bisan sa dakung hulga, daghan gihapong mga residente ang nanggawas sa ilang puy-anan aron masinatian ang “once in a lifetime” nga record breaking winter storm sa Amerika.
