CAGAYAN DE ORO CITY – Gisakmit sa delegasyon sa Northern Mindanao Athletics Association o NMRAA ang kampeonato sa Palarong Pambansa 2019 sa Davao City.
Kini human nagtigi una ang Department of Education (DepEd) officials gikan sa 17 ka rehiyon sa nasud sa Larong Pinoy ayha gisugdan ang mga dula sa Palarong Pambansa sa Abril 28 hangtod Mayo 5 ning tuiga.
Miiingon si NMRAA records and documentation chairman Rodel Quitat nga gilupig sa Dep-Ed 10 ang ubang mga rehiyon sa lain-laing mga dula diin nasakmit niini ang tulo ka medalyang bulawan ug usa bronse.
Kabahin sa mga dula ang kadang-kadang,karera sa sako,patentiro,hilaan ng lubid diin pulos giharos sa Dep-Ed 10 officials.
Dugang ni Quitat nga dako nila nga kalipay nga nagpamadaugon ang team pinanguluhan ni DepEd regional director Dr Arthuro Bayocot kinsa overall supervisor sa NMRAA delegates.
Tungod niini,nadakawat sila’g mga premyo apan dili mga salaping cash hinoon himsog nga mga pagkaon nga nagamit nila sa ilang panginahanglan sa usa ka semana nga pagpondo sa Davao City.
