Nagpahigayon subli sa test fire ang North Korea human niini magpalupad og pipila ka ballistic missile padulong sa sidlakang bahin sa kadagatan.
Sumala sa Joint Chiefs of Staff sa South Korea, gipalupad ang missile gikan sa dapit nga duol sa Pyongyang mga alas 9:20 ang takna sa kabuntagon niadtong Lunes, samtang mipahayag usab ang Japan Coast Guard nga nahulog ang duha ka wala pa matino nga projectile sa gawas sa ilang teritoryo.
Samot nga misaka ang tensyon sa rehiyon sa mga nilabay nga semana human sa pagpabuto og landmine sa utlanan nga gikasamad sa tulo ka sundalong South Korean ug sa managsunod nga pagbansaybansay sa mga militar gikan sa duha ka panig.
Mahinumdoman nga sa niaging semana kay gipangulohan ni South Korean President Lee Jae Myung ang usa ka public fire drill sa pinakaunang hypersonic missile sa ilang nasud.
Mikabat na sa napulo ka beses ang paggamit sa North Korea sa ilang missile karong tuiga gikan niadtong ulahing pagpalupad niini og intermediate-range strategic missile niadtong Oktubre 3 ning tuiga
