CAGAYAN DE ORO CITY – Gitakdang tigumon ni House committee on Mindanao Affairs chairman Misamis Oriental 2nd District Cong. Bambi Emano ang tanang local govt units sa rehiyon.
Kini aron hisgutan ang mga lakang nga ipatuman sa pagbaton sa 300 million peso-worth sa anti-flood facility nga gihatag sa Japanese govt nga nag-unang mohatag proteksyon sa katawhan sa syudad ug lalawigan.
Gihimo ni Emano ang pasalig nunot sa inagurasyon sa maong proyekyo sulod sa DOST-PAGASA office sa El Salvador City ning lalawigan.
Dumduman nga ang maong proyekto ang nahataga’g katumanan epekto sa pagtabang sa gobierno sa Japan ug mismo sa Japan International Cooperation Agency (JICA) inabagan sa Department of Science and Technology o DOST.
Hisayrang tuyo sa maong proyekto nga dili na masubli nga maigo sa grabeng kalamidad ang rehiyon sama sa sa bagyong Sendong nga mikalas sa daghang kinabuhi sa syudad ug Iligan City niadtong tuig 2011.
