CAGAYAN DE ORO CITY, Philippines – Nag-atubang na sa krisis sa gahum ang North Korea.
Kini human nabani-og nga duol na mamatay si North Korean Supreme Leader Kim Jong-Un.
Subay kini sa nakuha nga lab-as nga report gikan sa South Korea’s National Intelligence Service (NIS).
Gibutyag ni South Korean Lawmaker – Park Sun-won nga nangita na ang Pyongyang sa alternatibong medisina aron idapat sa nagkaluya nga panglawas sa ilang lider.
Gitumbok sa mga eksperto nga ang paghinobra sa timbang, stress, ug pagpanigarilyo ang pipila sa hinungdan sa nag-grabe nga balatian ni Un.
Sa pagkakaron, gi-alegar nga nagkayagaw na ang kadagkuan sa maongnasud kung isyu sa pagbalhin sa gahum ang hisgutan.
Pipila sa gipilian isip sunod nga lider sa North Korea mao ang anak ni Un nga si Kim Ju-ae, ug ang iyang igsoon nga si Kim Yo-jong.
