Gihatagan sa katin-awan ni US President Donald Trump ang isyu kalabot sa pagmugna sa nuklear nga armas tali sa Amerika, North Korea ug Iran.
Sa pakighinabi sa prensa, miingon si Trump nga lahi ang polisiya sa Amerika tali sa North Korea ug ang gipaligid nga kasabutan batok Iran kung hisgutan ang pagmugna sa mga delikadong armas.
Alang kang Trump, ang gingharian sa Pyongyang gipadagan sa iyang higala nga si North Koream Supreme Leader Kim Jong Un ug naka-estblishar sa ilang nuclear system sa dugay na nga panahon, gawas pa sa pagmugna sa kapin sa 60 armas, kuyog ang ilang napalambo nga delivery systems.
Kini ang rason nga dili masulbad pinaagi sa “complete, verifiable and irreversible denuclearization” o CVID ang North Korea.
Sa pikas bahin, gibutyag ni Trump nga ang Iran, nagpalambo sa armas nga nagpunting sa pagpangatake o targetable pa sa preemptive strike, busa kinahanglan nga pugngan kini nga makamugna sa nuklear nga armas.
Dugtong niini, dugay nang miingon ang presidente nga wala sukad milusad sa nuclear test ang Pyongyang, busa giila niya ang gobyerno sa North Koreas nga “unthreatening and respectful”, itande sa Iran nga mihulga nga atakehon ang tanan base militar sa Amerika sa Middle East ug nanghulga nga kontrolon ang tibook rehiyon sa gulpo
