CAGAYAN DE ORO CITY -Naila na sa militar ang napatay’ng sakop sa rebeldeng New Peoples Army o NPA sa engkwentro sa may Brgy. Banglay Lagonglong, Misamis Oriental.
Giila ni 58th IB commander Lt Col Roy Anthony Derilo ang biktima nga si Benjie Sandayo, 30 anyos, residente sa Sitio Lantad, Barangay Kibanbanban, Balingasag,Misamis Oriental.
Gikompirmar usab ni Derilo nga anaa na sa luwas nga kahimtang ang samarang sundalo.Una niini, milungtad sa 30 minutos ang panagsinukliay’g bala sa mga sundalo ug rebelde.
Nag-resulta sa pagkarekober sa 6 ka tag-as nga kalibre sa armas sa NPA nga gilangkuban sa 2 ka baby armalite; armalite; AK 47; M1 garand rifle ug .22 caliber rifle.
