CAGAYAN DE ORO CITY – Gi-kuwestiyon sa minoriya sa konseho sa city govt kon nganong adunay mga estudyante sa kolehiyo nga wala pa mabayran ang ilang mga obligasyon sa pagsilbi nila nga city scholars sa dakbayan.
Sa special report ni Konsehala Imee Moreno,gipadayag niya ang iyang kabalaka nga basin mahurot na lang ang 320 milyone pesos nga alokasyon sa iskolar sa dakbayan apan dili makumpleto ang pagbayad sa matrikula niin sa nagkadaiyang school partners niini sa syudad.
Siya miingon nga sa maong kantidad,anaa pa sa 220 milyones pesos ang wala pa nagamit rason nga iyang gituki ang nahisgutang isyu sa konseho.
Samtang tibuok ang pondo alang sa mga iskolar sa dakbayan o ISDA ug dili lang angay mabalaka ang mga kabataan ug ilang mga ginikanan.
Miingon si education committee chairman Konsehala Suzzette Magtajas-Daba nga kada-quarter ang pag-release sa pondo alang sa 15-mil ka scholars sa dakbayan.
Siya miingon nga adunay gabayan nga gisunod niini ang city school board aron masiguro nga walay mausik sa pondo gikan sa katawhan nga gitumong alang sa paghatag kaugmaon sa kabataan sa dakbayan.
