Nagpahimango ang Office of the Civil Defense (OCD) 10 sa grabeng epekto sa kainit sa tibook Pilipinas, ilabe na dinhi sa NOrthern Mindanao. .Gipadayag sa OCD Region 10information officer nga si Mabz Galvez nga nagpabilin nga gipa ilawom sa blue alert status ang rehiyon, uban sa koordinasyon sa mga local government units ug Provincial Disaster Risk Reduction and Management Offices (PDRRMO). Sa pagkakaron, nakapukos ang OCD sa pagbantay sa epekto sa grabeng kainiton ug sa posibleng pagsulod sa El Nino sa tunga-tunga nga bahin sa tuig. Gani, nagsugod na ang ilang ahensya sa pagpadala sa mga weather update, heat index readings ug uban pang abiso may kalabutan sa kahimtang sa panahon, aron magiyahan ang matag LGU sa ilang buhaton kung sila maigo sa grabeng kainiton o mga kalit nga pagbaha epekto sa pagbubo sa kusog nga ulan.
