Gikataw-an lang ni House Deputy Majority Leader Paolo Ortega ang pamahayag sa Office of the Vice President (OVP) nga nag-ingong makadaginot sa gasto ang nasud kung ang Korte Suprema magdesisyon, ug dili na ihinayon ang impeachment trial ni Vice President Sara Duterte.
Unang namahayag ang OVP nga minilyong salapi ang mawala sa panudlanan sa gobyerno kung ihinayon ang pagdungog.
Apan si Ortega namugos nga dili angayan ikomparar sa OVP ang gasto sa impeachment court batok sa gasto sa pinakataas nga hukmanan.
Daw gi-insulto ni Ortega ang kampo ni Duterte sa pag-ingon nga ang P612 Milyon nga gasto sa impeachment, mas daku pa sa iyang nagamit nga confidential funds sa OVP ug Department of Education.
Subli, gipamugos sa magbabalaod nga ang impeachment court lamang ang makahukas sa maskara sa bise presidente kay dinhi masayran ang kamatuoran ug hustisya sa pagwaldas sa minilyong pundo sa gobyerno.
