CAGAYAN DE ORO CITY-Gikumbati sa mga bombero ang pagpalong sa nasunog nga paktoya sa karton sa Brgy Sta Cruz,Tagoloan,Misamis Oriental.
Kini human nagsumikad ang pag-ulbo sa sunog sa gawas nga bahin sa gambalay nga iya sa Corbox Corporation ug gilayong mikatag ang kalayo sa nakatambak nga cartoon supply kagahapong adlawa.
Miingon si F03 Juniven Echeveria sa Bureau of Fire Protection-Tagoloan Station nga milungtad na sa kapin 20 ka oras ang kalayo nga gipaningkamutan nga mapalong sa daghang mga bombero.
Nagsulti si Echeveria nga gisuta pa nila kon unsa ang hinungdan sa sunog samtang mitala sa uno milyon pesos nga initial structural damage.
