CAGAYAN DE ORO CITY – Dakpon ug pahamtangan na sa P2,000 nga multa ang masapon nga mugawas sa balay nga wala magsul-ob sa facemask ug face shield ning syudad sugod ning adlawa.
Kini base sa pirmadong City Ordinance No. 13946-2020, gawas sa paglapas sa pagsul-ob sa facemask, pahamtangan usab sa monetary fine ang masapon nga wala mag-obserbar sa physical distancing.
Gibutyag ni ni CDO Disiplina Muna Advocacy Team Vice Chairman Antonio Resma Jr magsilbing pilot area ang sakop sa Police Station 1 ug Police Station 2 ning syudad.
Hinoon, gitin-aw ni Resma nga kon walay salapi nga mabayad ang madakpan, gilayon kining maghatag serbisyo sa barangay sugod walo hangtud 32 oras, depende sa kadako sa salaod nga nasupak.
