CAGAYAN DE ORO CITY-Naugdaw ang 13 ka pinuy-anan tungod sa pag-ulbo sa dakong sunog sa Green Valley,Brgy Tinago,Ozamiz City,Misamis Occidental.
Gibutyag ni PNP regional spokesperson Supt Lemuel Gonda nga maoy sinugdanan sa kalayo ang pagkasunog sa balay ni Ella Mae Tamala nga nagpuyo sa maong dapit.
Gilayong mihimo’g responde ang mga bombero apan pakyas na nila masalbar ang pagkaugdaw sa 13 ka mga balay.
Hinoon,walay tawo nga nakalas o naangol atol sa pag-ulbo sa dakong sunog.
Mokabat sa P2 milyon ang natala nga structural damage sa maong sunog.
Moimbestigar pa ang mga bombero sa hinungdan sa pagkasunog sa pinuy-anan ni Tamala.
