Gipamugos ni Senador Robin Padilla nga gikinahanglan nga mahimong luwas nga dapit para sa mga magtutungha, magtutudlo, ug mga kawani ang mga tungod, dungan sa pag-apruba sa Senate Bill No. 2426 o Comprehensive School Safety Act.
Matud ni Padilla, ang mga tunghaan kay gikinahanglang magsilbi nga ikaduhang panimalay sa mga bata, diin sa maong dapit sila makakat-on ug maghimo sa ilang mga pangandoy, ug dili lugar nga adunay kahadlok ug kapintasan. Isip co-author ug co-sponsor sa maong sugyot, miingon si Padilla nga gipasigarno niya mahimong kabahin sa pagtukod sa komprehensibong gambalay para sa kaluwasan ug kaayuhan sa mga magtutungha ug school personnel.
Dugtong niini, giaprubahan na sa senado sa ikatulo ug katapusang pagbasa ang maong sugyot sa botong 17 ka uyon, ug wala usab nisupak o ni-abstain sa maong sugyot. (raniel mahunyag)
