Giila ni Partido Demokratiko Pilipino Lakas ng Bayan (PDP-LABAN) National Spokesperson Atty. Ferdinand Topacio isip ‘scripted’ ang pag-imbestiga sa National Bureau of Investigation (NBI) sa mga Duterte.
Matud ni Topacio, mabantayan ang mga lakang sa NBI pag-abot kang Vice President Sara Duterte, diin nakipagsynchronize kini sa prosekusyon aron ipiton ang Bise Presidente sama sa paggawas ni Gracioso nga matud pa ‘scripted’ lamang.
Dugang ni Topacio, makaguol kaayo nga naguba na ang dungog sa NBI tungod kay na-weaponize ug gigamit kini sa pag-ipit sa mga kontra sa pulitika.
Gipadayag usab ni Topacio nga sayang kaayo ang dungog sa NBI isip primier investigative agency sa kagamhanan, diin sa kasamtangan kay matud pa nababoy ubos sa pagdumala ni Director Matibag. (raniel mahunyag)
