Pagbansay sa mga Board of Canvassers sa umalabot piliay, sugdan na sa Comelec

CAGAYAN DE ORO CITY – Ipaubos sa bansay-bansay ang elections officers nga magsilbing chairmen sa board of canvassers o BoC alang sa 2019 midterm elections sa Mayo 13 dinhi sa rehiyon.

Kini isip kabahin sa preparasyon sa Commission on Elections o Comelec aron mahimong maalamon ang BoC members nga maoy tahasan paghatod sa opisyal nga resulta sa senatorial ngadto sa local candidate nga piliay.

Miingon si Misamis Oriental Provincial Election Supervisor Atty Alile Ramirez nga himoon ang pagbansay-bansay sa election officers sa Koresko Hotel diha sa Brgy Lumbia sa syudad.

Isunod usab sa pagtrain ang ihap sa mga pulis nga gamiton nga board of elections inspectors kon ugaling dunay mga magtutudlo nga mosibog tungod sa ka-peligro sa lugar nga himuan sa piliay.