Samdan ang 5 ka sibilyan human mibusikad ang usa ka sakyanan nga adunay mga eksplosibo sa El Bordo toll plaza sa munisipyo sa Patía, lalawigan sa Cauca, habagatan-kasadpang Colombia,kagahapong adlawng Lunes.
Tungod sa kusog nga pagbuto, nabungkag ang dakong bahin sa toll plaza ug gisirad-an ang Pan-American Highway samtang gisusi sa mga awtoridad ang maong lugar.
Gitudlo sa kasundalohan sa Colombia ang Carlos Patiño Front, usa ka paksyon sa kanhing Revolutionary Armed Forces of Colombia o FARC nga wala midawat sa kasabutan sa kalinaw niadtong 2016, isip responsable sa maong pag-atake.
Gikondena ni Colombian President Abelardo de la Espriella ang pagpamomba tungod sa peligro nga dala niini sa mga sibilyan ug sa mga nagbiyahe sa maong kadalan.
