Usa ra ka diversionary tactic o paagi aron tabunan ang nag-unang kontrobersiya sa nasyudanhong budget ang gihimong paggukod ug pagbutang og Singkuwenta Milyones Pesos (P50M) nga bounty batok kay Senator Ronald “Bato” dela Rosa.
Mao kini ang gibutyag ni Atty. Raymond Batu, legal counsel sa DDS Sara All Confederation sa iyang pakighinabi sa Bombo Radyo
Nagtuo ang abogado nga gituyo ang maong aksyon aron malihis ang atensyon sa publiko gikan sa kontrobersiyal nga General Appropriations Act (GAA) ug sa gipabuto nga suborno ug pondo sa flood control.
Gipasabut ni Atty. Batu nga lakip sa gitabonan mao ang labaw sa 1.017-trillion pesos nga gipang-insert nga pondo alang sa 2027 proposed budget ug ang pagpadaghan sa pondo sa ayuda sama sa AKAP ug MAIF alang sa pampolitikang katuyuan.
