Gikumpirmar sa kapolisan ang usa ka trahedya sa Ateneo de Zamboanga University Highschool Campus diin duha ka minor de edad nga estudyante ang nakalas, alas 7:45 sa buntag.
Giila ang unang biktima nga si Mohammad Abel S. Jalani samtang ang ikaduhang biktima mao si Patric Dylan Wee nga usa ka Grade 10 nga estudyante sa maong tunghaan.
Base sa initial nga imbestigasyon sa Zamboanga City Police Station 7, misulod si Jalani sa Room 404 ug gipusil si Wee nga miresulta sa diha-diha nga kamatayon niini.
Human sa pagpamusil, midagan si Jalani padulong sa ikatulo nga andana, misinggit sa ubos, ug gilayon usab nga gipusil ang iyang kaugalingon.
Dali nga nakaresponde ang alert team sa pulisya sa pagpanguna ni PMAJ Napoleon R. Velasco ug PLT Romeo S. Ocampo Jr. aron siguruhon ang palibot ug nakatala sa duha ka kalibre 9mm nga pistola gikan sa dapit sa insidente.
Sa pagkakaron, nagpadayon ang mas lalom nga imbestigasyon kauban ang SOCO personnel aron masayran ang gitagoang motibo taliwala nga giisip kini nga tinuyo nga pag-atake.
