Gipahibalo sa Philippine Statistics Authority (PSA) Region 10 nga padayon gihapon ang rehistrasyon sa PhilSys National ID alang sa mga katawhan nga wala pa marehistro ug gustong makakuha sa ilang National ID, bisan pa nga wala pa magsugod ang ID printing sa Rehiyon Diyes.Sumala ni PSA–Regional Statistical Services Office X Chief Administrative Officer Jose Tuason, target sa PSA Region 10 nga marehistro ang 5 milyones ka katawhan, base sa 2020 Census of Population.Matod ni Tuason, sa miaging tuig, kapin sa 4 milyones ra ka registrants ang narehistro sa rehiyon, nga nagpasabot nga wala pa naabot ang 100 porsyento nga target sa buhatan. Sa pagkakaron, 93.4 porsyento pa lamang ang naabot nga registration rate, lakip na sa dakbayan sa Cagayan de Oro.Gipatin-aw usab ni Tuason nga padayon ang rehistrasyon alang sa mga wala pa marehistro sa National ID, ug makadawat sila og paper-type National ID samtang naghulat pa sa pag-imprinta sa physical ID cards. (JAMES OLIVER)
