Magsugod na karong Lunes, Setyembre 28, 2026, ang pag-usbaw sa pletihan sa sa pamasahe sa tradisyonal ug modernong jeepneys human aprobahan sa administrasyon ni Presidente Bongbong Marcos.
Ang minimum fare sa tradisyonal nga jeepneys mosaka gikan ₱13 ngadto ₱14, samtang ang modernong jeepneys mosaka gikan ₱15 ngadto ₱17.
Ang rate sa matag sunod nga kilometro motaas usab sa ₱2 alang sa tradisyonal ug ₱2.40 alang sa modernong jeepneys.
Gipasabot sa Department of Transportation (DOTr) ug LTFRB nga kini nga adjustment makatabang sa mga drayber ug operators nga nag-antos sa grabeng pagsaka sa presyo sa lana ug gasto sa operasyon.
Ang National Federation of Transport Cooperatives misuporta sa desisyon, nga nag-ingon nga kini usa ka pag-ila sa tinuod nga kalisod nga giatubang sa mga tsuper.
Gihangyo usab sa grupo ang pagsabot sa publiko tungod kay ang dugang nga pamasahe makatabang sa panginabuhi sa mga pamilya nga nagsalig sa transportasyon.
Una niini, nakadesider na ang grupong MANIBELA nga mulusad sa duha ka adlaw nga transport pahulaw sa adlaw’ng Lunes
